Янгиободда 5 км масофадаги йўл ёқасида яшил ҳудудлар ташкил этилади

Президент Шавкат Мирзиёев раислигида шу йилнинг 24 август куни экологик ҳолатни яхшилаш, дарахтлар муҳофазасини самарали ташкил этиш ва яшил ҳудудларни кенгайтириш чора-тадбирларига бағишлаб ўтказилган видеоселектор йиғилишида соҳадаги муаммо ва камчиликлар муҳокама этилиб, экологик ҳолатни яхшилаш ҳамда яшил ҳудудларни кенгайтириш бўйича муҳим вазифалар белгилаб берилган эди.

Янгиободда мазкур вазифалар ижроси юзасидан биринчи босқич ишлари бошлаб юборилди. Совот қишлоқ фуқаролар йиғини ҳудудидан ўтувчи йўл ёқасининг 5 км қисмида яшил ҳудуд ташкил этиш режалаштирилган бўлиб, ҳозирда манзарали дарахт кўчатлари экиш учун жойлар ҳозирланмоқда.