Янгиободда "Ёш сайловчи - 2021" форумининг иккинчи босқичи бўлиб ўтди!

Ёшларнинг сайлов ҳақидаги билимларини бойитиш ва сайлов жараёнлари тўғрисидаги тасаввурларини кенгайтириш мақсадида мамлакатимиз бўйлаб бўлаиб ўтаётган "Ёш сайловчи - 2021" форумининг иккинчи босқичи Янгиобод туманида бўлиб ўтди.

Форум давомида "Сайлов жараёнлари ва бу тўғрисида сайловда биринчи марта иштирок этадиган ёшлар қанчалик хабардор ва улар асосан нималарни билиб олишлари лозим?” деган саволларга батафсил жавоб берилди.

Шунингдек, сайлов жараёни ҳақида мунтазам маълумот бериб борувчи yoshsaylovchi.uz электрон платформаси ҳақида маълумотлар берилди.

Тадбирда юртимиздаги сайлов тизими ва жараёнлари юзасидан викторина савол-жавоблар ҳам ўтказилди.

Ёш сайловчиларга овоз бериш хонаси, бюлеттин қутиси, овоз бериш жараёнлари кўргазмали тарзда тушунтириб ўтилди.