"Китобхонлар клуби" фаоллари рағбатлантирилди

Янгиобод тумани Ахборот кутубхона маркази томонидан аҳоли ва ёшлар ўртасида китобхонликни кенг тарғиб қилиш ҳамда кишиларнинг билим ва дунёқарашларини янада ўстириш мақсадида бир қатор лойиҳалар амалга оширилмоқда.

Хусусан, марказ томонидан телеграм ижтимоий тармоғида "Китобхонлар клуби" гуруҳи ташкил этилган бўлиб, унда мунтазам равишда қизиқарли савол-жавоблар ва викториналар ташкил этилиб, фаоллар рағбатлантириб келинади.

Бу гал ҳам фаол китобхон ёшлар билан ўтказилган учрашув доирасида марказ томонидан амалга оширилаётган лойиҳлар иштирокчиларини рағбатлантириш ва қизиқишларини янада орттириш мақсадида ушбу савол-жавобларда ўзларининг фаоллиги ва ҳозиржавоблиги билан иштирок этиб келаётган Ирода Эрмаматова ҳамда Достон Ҳасановлар ахборот кутубхона маркази томонидан диплом ва эсдалик совғалари билан тақдирландилар.