Янгиободлик спортчи қизлар "Бокс" бўйича бўлиб ўтган республика турнирида ғолиб бўлишди

Гувоҳи бўлаётганимиздек, сўнги йилларда Янгиободлик ёш спортчиларнинг турли даражадаги вилоят ва республика даражасидаги мусобақаларда фахрли натижаларга эришиб келаётганлари бор гап.

Бу гал ҳам Янгиобод туман болалар-ўсмирлар спорт мактабининг тажрибали спорт мураббийси Адҳам Абдусаломов қўл остида тарбияланаётган 3 нафар иқтидорли ёш спортчиларимиз Зафаробод туманида спортнинг бокс тури бўйича бўлиб ўтган республика турнирида чемпионликни қўлга киритдилар.

Жумладан, мусобақанинг кичик ўсмир қизлар ўртасида 38 кг вазнда Онорқулова Кумуш, 40 кг вазнда Алиқулова Насиба ҳамда 66 кг вазнда Абдуҳалилова Умида фахрли 1-ўринни қўлга киритиб, мусобақа ғолибига айландилар.