Тумандаги 21 нафар уйда таълим оладиган ёшларга байрам совғалари улашилди (ВИДЕО).

Ўзбекистон Республикаси Бош прокуратураси ташаббуси билан Янгиобод тумани ҳокимлиги, туман прокуратураси ҳамда тиббиёт ходимлари ҳамкорлигида тумандаги 21 нафар уйда таълим оладиган ўқувчи ёшлар ҳолидан хабар олинди.

1 июнь – Халқаро болаларни ҳимоя қилиш куни муносабати билан уларга байрам совғалари улашилиб, тиббиёт ходимлари томонидан тиббий кўрикдан ўтказилди.

Шунингдек, уларнинг ота-оналари билан суҳбатлар олиб борилди ва уйда таълим-тарбия олиш учун яратилган шароитлар, мавжуд муаммолар ўрганилиб, уларни бартараф этиш, шу билан бирга, эҳтиёжларидан келиб чиқиб, реабилитация техник воситалари, протез ортопедия буюмлари билан таъминлаш чоралари кўрилди.