Мактабгача таълим муассасалари ходимлари спортнинг волейбол тури бўйича ўзаро беллашдилар

Шу йилнинг 13 март куни Янгиобод тумани касб-ҳунар мактабида Ўзбекистон Республикаси Президентининг 2020 йил 30 октябрдаги ПФ-6099-сон "Соғлом турмуш тарзини кенг тадбиқ этиш ва оммавий спортни янада ривожлантириш чора-тадбирлар тўғрисида"ги Фармони ижросини таъминлаш мақсадида туман мактабгача таълим бўлимига қарашли мактабгача таълим муассасалари ходимлари ўртасида спортнинг Валейбол тури бўйича "Туман ҳокими кубоги" мусобақаси ташкил этилди.

Ушбу спорт тадбирда 60 нафардан ортиқ хотин-қизлар иштирок этишди.

Қизиқарли ва муросасиз кечган мусобақада 4-сонли давлат мактабгача таълим ташкилотининг "Шодлик" жамоаси биринчиликни қўлга киритди.

Мусобақа якунида ғолиб совриндорларга туман ҳокими томонидан фахрий ёрлиқ ва эсдалик совғалари топширилди.