"Оилаларга маърифат улашиб" акцияси доирасида китоблар улашилди

Республика Маънавият ва маърифат маркази Янгиобод туман бўлинмаси томонидан оилаларда ижтимоий-маънавий муҳитни янада соғломлаштирш, жамиятда кишиларнинг онги ва дунёқарашини ўстириш ва уларни китоб мутолаасига қизиқишларини ошириш борасида барча маҳаллаларда маънавий-маърифий тарғибот ишлари олиб борилмоқда.

Бугун ҳам бўлинма раҳбари томонидан Янгиобод ШФЙ билан ҳамкорликда бир нечта хонадонларга ташриф буюрилиб, "Оилаларга маърифат улашиб" акцияси доирасида китоблар ҳадя қилинди. 

Хонадон эгалари билан ўтказилган мулоқотларда инсон камолоти ва маънавиятининг юксалишида, фарзандларимизни ёт ғоя ва турли иллатларга қарши мафкуравий иммунитетни кучайтиришда китобнинг ўрни ва аҳамияти хусусида тушунчалар бериб ўтилди.