Янгиобод тумани ҳокимининг тадбиркорлар билан очиқ мулоқоти ўтказилди
Янгиобод тумани ҳокими Иброҳим Қаршибоев тадбиркорлар билан мулоқот ўтказди. Учрашувда турли соҳа ва йўналишларда фаолият юритаётган тадбиркорлик субъектлари вакиллари, ташаббускор ёш тадбиркорлар, сектор раҳбарлари ҳамда соҳа мутасаддилари иштирок этишди.
Туман ҳокимлиги мажлислар залида ташкил этилган мазкур учрашувда шу йилнинг 20 август куни Ўзбекистон Республикаси Президенти Шавкат Мирзиёевнинг мамлакатимиз тадбиркорлари билан ўтказган очиқ мулоқотида белгилаб берилган усутвор вазифаларга эътибор қаратилди.
Таъкидландики, давлатимиз раҳбари томонидан илгари сурилган бир қатор таклиф ва устувор вазифалар юртимизда, хусусан, Янгиобод туманида ҳам бизнесни ривожлантириш учун қулай муҳит яратиш, тадбиркорларни қўллаб-қувватлаш, уларнинг муаммоларини тезкор ҳал этиш йўлида дастуриламал бўлиб хизмат қилади.
