Сармич маҳалласида ҳам эҳтиёжманд оилалар ҳамда нуронийлар учун тадбир ташкил этилди

Янгиобод тумани ҳокими ташаббуси билан байрам арафасида маҳаллаларда аҳолига хушкайфият улашиш мақсадида маънавий-маърифий тадбирлар ташкил этилмоқда.

Туманнинг Сармич маҳалласида ҳам эҳтиёжманд оилалар ҳамда нуронийлар учун тадбир ташкил этилиб, улар учун байрам дастурхони ёзилди.

Байрам муносабати билан кўмакка муҳтож оилаларнинг умумтаълим мактабларида таълим олаётган фарзандларига қишки кийим-кечаклар берилди.