Янгиобод шаҳарчасида Хотин-қизлар куни муносабати билан байрам тадбири бўлиб ўтди (Видео)

Шу кунларда Янгиобод туманининг барча маҳаллаларида 8 март - Халқаро хотин-қизлар куни муносабати билан байрам тантаналари бўлиб ўтмоқда.

Бугун гўзаллик ва нафосат айёми бўлган ушбу байрам туманнинг 1-сектор ҳудудига қарашли Янгиобод шаҳарчасида кўтаринки руҳда нишонланди.

Тадбирда маҳалла хотин-қизлари учун байрам дастурхони ташкил этилиб, уларга совға-саломлар улашилди.

Байрам тадбири хотин-қизларимиз ва оналаримизни мадҳ этувчи дил изҳорлари ҳамда шўх-шодон куй-қўшиқлар билан хушкайфиятда давом этди.