Yangiobodda yoshlar oyligi doirasida Harbiy vatanparvarlik festivali o'tkazildi (Video)

O'zbekiston yoshlar ittifoqi Jizzax viloyat Kengashi, Yangiobod tumani hokimligi, Jizzax viloyat yoshlar ishlari boshqarmasi hamda viloyatda joylashgan kuch tuzilmalari tomonidan tashkil etilgan harbiy vatanparvarlik festivali 2000 ga yaqin Yangiobod tumani yoshlarini birlashtirdi.
Festival doirasidagi harbiy xizmatdagi yoshlarning qo'l jangi chiqishlari, faxriy qorovul saflari, harbiy-texnika va qurol aslahalar ko'rgazmasi hamda taniqli yosh estrada yulduzlari ishtirokida ijro etilgan Vatanni madh etuvchi kuy-qo'shiqlar ketma-ketligi yoshlarga vatanparvarlik shijoati va ko'tarinki kayfiyat ulashdi.