Joriy yil kuz-qish mavsumini betalofat o‘tkazish bo‘yicha choralar ko'rilmoqda
Yangiobod tumanida kommunal sohadagi, jumladan, elektr energiyasidagi uzilishlar, tabiiy gaz yetishmovchiligi va uy-joylardagi isitish tizimida 2023-2024 yillar kuz-qish davrida salbiy holatlar sodir bo'lishini oldini olish maqsadida hozirdan tayyorgarlik ishlari olib borilmoqda.
Tuman hokimligida 2023-2024 yil kuz-qish mavsumini betalofat o‘tkazish bo‘yicha tuzilgan shtab a'zolari va faollar ishtirokidagi yig'ilishda qishki mavsumga tayyorgarlik jarayonida ijtimoiy soha ob’ektlari, jumladan, ta’lim va tibbiyot muassasalarini mavsumga tayyorlashga alohida e’tibor qaratish, ijtimoiy soha muassasalari hamda aholi ehtiyoji uchun ko‘mir omborxonalarini tashkil etilishini nazorat qilish kabi masalalar kelishib olindi.
Shuningdek, tarmoq va hududlarda sanoat mahsulotlari ishlab chiqarishni qo‘llab-quvvatlash, ishlab chiqariladigan mahsulotlar tannarxini kamaytirish, transport va logistika masalalarida ko‘maklashish yuzasidan tegishli mas'ullarga ko'rsatmalar berildi.
