Yangiobodda "Ustozlar bog'i" tashkil etildi. (Video)

Yangiobod tumanida "Yashil makon" umummilliy loyihasi doirasida yashil maydonlar kengaytirish va yangi bog'lar yaratish borasidagi ishlar qizg'in tus olmoqda.

Kuni kecha tumanning Sovot QFYdagi 4-umumta'lim maktabi direktori tashabbusi bilan "Ustozlar bog'i" tashkil etilayotgani to'g'risida xabar bergan edik.

Bugun ushbu bog'da ustozlar jamoasi, mahalla faxriylari hamda yoshlar ishtirokida hashar tashkil etilib, yerning qolgan bo'sh qismiga ham hudud iqlimiga mos hamda suvsizlikka chidamli bo'lgan bodom ko'chatlari ekildi. yangi nihollar oqlanib, atroflariga ishlov berildi.

Bu kabi ezgu tadbirlar shu kunlarda tumanimizning barcha mahallalarida uyushqoqlik bilan tashkil etilmoqda.