Nuroniylarning Toshkent shahriga sayohati tashkil etildi

Yoshi ulugʻlarni eʼzozlash, ularga hurmat-ehtirom va eʼtibor koʻrsatish — xalqimizga xos ezgu fazilatlardan biridir.

Ayni kunlarda Yangiobod tumanida nuroniylarning boʻsh vaqtlarini mazmunli oʻtkazish, ijtimoiy faol nuroniylarni qoʻllab-quvvatlash va ularni ommaviy tadbirlarga jalb etish maqsadida qator tadbirlar tashkil etilmoqda.

Xususan, “Keksalar turizm oyligi” doirasida Yangiobodlik bir guruh nuroniylarning Toshkent shahriga sayohati tashkil etildi.

"Nuroniy" jamg'armasi Yangiobod tuman bo'limi tomonidan tashkil etilgan sayohat davomida nuroniy otaxonu-onaxonlar Poytaxtning diqqatga sazovor joylari bilan tanishdilar.