Mahallalarda ichki yo'llar yaxshilanmoqda

Yangiobod tumanidagi barcha mahalla va qishloqlarda asosiy va ichki yo'llarda ta'mirlash ishlari jadallik bilan davom etmoqda.

Xususan, tuman Obodonlashtirish boshqarmasi tomonidan Yangiobod SHFYdagi Istiqlol hamda Bunyodkor ko'chalariga shag'al yotqizilib, Do'stlik ko'chasida esa shag'allashtirish uchun yo'lni tayyorlash ishlari olib borilmoqda.

Yo'llar sifatini yaxshilash, aholi va transport vositalari harakatlanishi uchun qulayliklar yaratish maqsadida amalga oshirilayotgan bu kabi ishlar barcha mahallalarda bosqichma-bosqich davom etmoqda.