"Namunali mahalla huquq-tartibot maskanlari" ko'rik-tanlovining tuman bosqichi g'oliblari taqdirlandi

Yangiobod tumanida mahallalarda faoliyat ko'rsatayotgan profilaktika inspektorlari, fuqarolar yig'ini raisi, hokim yordamchisi, yoshlar yetakchisi, xotin-qizlar faoli, xotin-qizlar masalalari bo'yicha inspektor, inspektor-psixolog, yo'l-patrul xizmati inspektori, probatsiya xizmati inspektori, sektor rahbari va jamoat tashkilotlarining vakillari o'rtasida "Namunali mahalla huquq-tartibot maskanlari" ko'rik-tanlovining tuman bosqichi o'tkazildi.

Bugun Yangiobod tumani hokimligida "Obod va xavfsiz mahalla" tamoyili asosida mahallalarda xavfsiz muhitni yaratish, huquqbuzarlik sodir etish yoki jabrlanish ehtimoli yuqori bo'lgan shaxslar bilan ishlash, yoshlar bilan manzilli tarbiyaviy va profilaktik chora-tadbirlarni samarali yo'lga qo'yish maqsadida tashkil etilgan ushbu tanlovning g'olib va sovrindorlari munosib taqdirlandi.