Yangiobodda Yangi yil shukuhi
Ayni kunlarda diyorimiz boʻylab barchaga shodu-xursandchilik ulashib, yangi yil shukuhi kezib yuribdi.
Yangi yil bayrami munosabati bilan Yangiobod tumanida turli xil koʻngilochar bayram tantanalari boʻlib oʻtmoqda.
Xususan, Sovot QFY, Sohibkor qishlog'ida ham bayram tadbiri tashkil etilib, mahalla aholisi uchun bayram dasturxoni yozildi.
Tadbirda tuman hokimi Ibrohim Qarshiboyev ishtirok etib, mahalla ahlini bayram bilan tabrikladi va yangi yil barchaga shodu-xurramlik, oilalarga fayzu-baraka olib kirishini tiladi.
Bayram tadbirida tuman madaniyat bo‘limi ijodkorlari hamda viloyatdan tashrif buyurgan san'atkorlar tomonidan shoʻx-shodon kuy-qo‘shiqlar ijro etildi.
Ayniqsa, ''Qorbobo va qorqiz'' ishtirokidagi namoyishlar, ertak qahramonlari hamda bolajonlarning oʻyin kulgulari va betakror sahna chiqishlari barchaga oʻzgacha zavq ulashdi.
