Musodara mollarni ham internet dokonlaridan harid qalinadi

Sud qarorlarini ijro etish doirasida mol-mulklarni sotish va bu uning ustidan nazorat qilish jarayonlariga zamonaviy axborot-kommunikatsiya texnologiyalarini joriy etish nazarda tutilyapti.
Jumladan, 2024-yil 1-apreldan boshlab, sud hujjatlari boʻyicha xatlangan mol-mulklarni sotish huquqi faqatgina masofaviy monitoring qilish elektron tizimini joriy etgan savdo tashkilotlarigagina beriladi.
Natijada, majburiy ijro harakatlari davomida mol-mulklarni olib qoʻyishdan tortib sotilgungacha boʻlgan jarayonlarning toʻliq elektron hisobi yuritiladi va onlayn nazorat qilinadi. Bu bilan sohada tartib oʻrnatiladi, turli suisteʼmolchiliklar va korrupsion omillarga barham beriladi. Mol-mulklarni sotishda internet-doʻkonlarga ustunlik beriladi.
Shubhasiz, mazkur yangiliklar, sud qarorlarini ijro etish tizimning samaradorligini oshirishga xizmat qiladi, sohada tartib mustahkamlanadi, jamiyatda majburiy ijro organlari va odil sudlovga boʻlgan ishonchni ortishiga olib keladi.

X.B.Xazratqulov,

Byuroning Yangiobod tuman boʻlimi boshligʻi

adliya kichik maslahatchisi