Havotog' mahallasida aholi tomorqalarida ishlar qizg'in tashkil etilmoqda

Yangiobod tumanida tomorqa va uy xo'jaliklaridagi imkoniyatlarni to'liq ishga solish orqali aholi daromadlarini oshirish chora tadbirlari yuzasidan o'rganishlar davom etmoqda.

Tumanning Havotog' mahallasida ham o'z shaxsiy tomorqasi imkoniyatlaridan samarali foydalanib, uni qo'shimcha daromad manbaiga aylantirgan xonadonlar ko'pchilikni tashkil etadi.

"Mahalla yettiligi" tomonidan shu kabi namunali tomorqa egalari bilan fikr almashilib, ularning tajribasini boshqa xonadonlarda ham tadbiq etish, har bir xonadonda bahorgi ekinlar bilan birga, uzum navlarini ko'paytirish hamda xonadon imkoniyati doirasida parranda va asalari tashkil etish yuzasidan targ'ibot ishlari olib borilmoqda.