Bugungi hasharda keksayu yosh yurt obodligi yo'lida birlashdilar

Hashar - xalqimizga xos azaliy qadriyatlardan biri boʻlib, bu tadbir kishilarni mehr-oqibat, ahillik va oʻzaro hamjihatlik yoʻlida birlashtirish bilan ahamiyatlidir. Uning zamirida obodlik, birdamlik, hayr-sahovat va bunyodkorlik mujassam.

Bugun Yangiobod tumanining barcha mahallalarida Navro‘z umumxalq milliy bayrami hamda ramozon oyi munosabati bilan "Obod va fayzli mahalla – yurt ko‘rki" shiori ostida umumxalq xayriya hashari o‘tkazilib, erta tongdan keksayu-yosh hamjihtlikda koʻcha va mahallalarda mana shunday ezgu ishlarga bosh qoʻshdilar.

Tumanimizning barcha hududlarida boʻlib oʻtgan hashar jarayonlarida qishloq va mahallalar, yoʻl chetlari, binolar va hovlilar atrofi, yoʻlaklar, ziyoratgoh hamda qabristonlar obodonlashtirildi. Ariqlar tozalanib, daraxtlarni oqlash va butash ishlari olib borildi.

Bir soʻz bilan aytganda, bugungi hashar keksayu-yoshni yurt obodligi yoʻlida birlashtirdi.