Yangiobodda viloyat prokurori sayyor qabul o'tkazdi (Video)

Yangiobod tumanida Jizzax viloyati prokurori I.Ergashxodjayev tomonidan navbatdagi sayyor qabul va yoshlar bilan uchrashuv oʻtkazildi.

Qabul avvalida, hudud aholisi, sektor rahbarlari, “mahalla yettiligi” va bank masʼullari ishtirokida aholi bandligini taʼminlash va daromadini oshirish, tadbirkorligini qoʻllab-quvvatlash yuzasidan muloqot oʻtkazilib, masʼullarga aniq koʻrsatmalar berildi.

Ochiq muloqot tarzida oʻtkazilgan qabulda kelib tushgan turli mazmundagi murojaatlarning ijtimoiy himoya, bandlikni taʼminlash va kredit masalalariga oid birnechtasi joyida hal etildi, oʻrganish va muddat talab qiladigan murojaatlar nazoratga olindi.