Янгиободда муддатли ҳарбий хизматчилар тест синовларидан ўтказилди

Янгиобод туманида жойлашган ҳарбий қисмларда муддатли ҳарбий хизматни ўтаётган ҳарбий хизматчиларга Ўзбекистон Республикаси Олий таълим муассасаларига ўқишга кириш учун тавсияномалар бериш тартиби тўғрисидаги низомга асосан тест синовлари ўтказилди.

Ушбу тест синовларида муддатли харбий хизматчилар бор билим-салохиятларини синовдан ўтказишди. 

Мазкур жараёнда шаффофлик ва адолатни таъминлашга алоҳида эътибор қаратилиб, назорат гуруҳи аъзолари томонидан кузатиб борилди.

Таъкидлаш лозимки, тест синовларида юқори балл тўплаган муддатли ҳарбий хизматчилар республикамиздаги олий таълим муассасаларига ўқишга кириш учун қўшимча балл берадиган имтиёзли тавсияномаларга эга бўладилар.