Совот қишлоғида "Хотира ва қадрлаш куни" муносабати билан байрам ва спорт тадбирлари ташкил этилди (Видео)
Ўтганларни ёд этиш, юрт мустақиллиги ва озодлиги йўлида жон берган қаҳрамонларни хотирлаш, бугунги тинч ва осойишта кунларга етмоқ учун тинмай меҳнат қилган, қўллари доим дуода бўлган, набиралари даврасида кексалик гаштини сураётган отахону онахонларни эъзозлаш - халқимизга хос қадриятга айланган.
Янгиобод тумани Совот қишлоғида ушбу заминда туғилиб ўсган Совет иттифиқи қаҳрамони Жўрахон Усмонов хотирасига бағишлаб туркум тадбирлар ташкил этилди.
Байрам тадбирида меҳнат фронти фахрийлари, Авғон уруши қатнашчилари, аҳоли ва ёшлар иштирок этишди.
Тадбир доирасида элимиз суйган санъаткорлар иштирокида концерт дастури, беш муҳим ташаббус доирасидаги тадбирлар, жумладан, миллий кураш, кўпкари ҳамда шахмат-шашка мусобақалари бўлиб ўтади.
