Maktabgacha ta’lim muassasasi rahbarlari va bosh hisobchilari diqqatiga!

O‘zbekiston  Respublikasining  “Rasmiy  statistika  to‘g‘risida”gi  Qonuni  va  Vazirlar Mahkamasining 2020 yil 6 noyabrdagi 690-son “O‘zbekiston Respublikasi Davlat statistika qo‘mitasi faoliyatini yanada takomillashtirish chora-tadbirlari to‘g‘risida”gi qarorini ijrosi yuzasidan O‘zbekiston Respublikasi Davlat statistika qo‘mitasining 2021 yil 5 yanvardagi  2-mb-son qaroriga asosan tasdiqlangan quyidagi hisobot taqdim etilishi lozim:

1-maktabgacha ta’lim shakli (yillik) Davlat statistika hisobotini 2022 yilning  18 yanvaridan kechiktirmay taqdim etishingiz so‘raladi.

Hisobot internet tarmog‘i orqali, davlat statistika hisobotlarni elektron ko‘rinishda avtomatlashtirilgan eStat 4.0 dasturi orqali elektron raqamli imzodan foydalangan holda taqdim etiladi.

eStat 4.0 tizimida mavjud davlat statistika hisobotlarining elektron shakli (namunasi)ni O‘zbekiston Respublikasi Davlat statistika qo‘mitasining www.hisobot.stat.uz rasmiy saytidan olishingiz mumkin.

Shu o‘rinda qayd etish joizki, mansabdor shaxslarning davlat statistika kuzatuvini olib borish uchun zarur bo‘lgan hisobot va boshqa ma’lumotlarni taqdim etmaslikda ifodalangan davlat statistika hisobotlarini taqdim etish tartibini buzishi, hisobot ma’lumotlarini buzib ko‘rsatishi yoki hisobotlarni taqdim etish muddatlarini buzishi O‘zbekiston Respublikasi Ma’muriy javobgarlik to‘g‘risidagi kodeksining 215-moddasida belgilangan javobgarlikka sabab bo‘ladi.

Yangiobod tuman statistika bo'limi