Мини футбол бўйича ДХХ раиси кубоги мусобақалари бўлиб ўтмоқда

Янгиободда маҳалла ёшлари ўртасида спортнинг мини футбол тури бўйича “Давлат ҳавфсизлик хизмати раиси кубоги” мусобақалари бўлиб ўтмоқда.

Куни кеча мазкур футбол мусобақасининг туман босқичи ўйинлари бошланди. Унда мусобақанинг сектор босқичида ғолиб бўлган маҳаллалар жамоалари ўзаро куч синашмоқда.

Дастлабги ўйин 1-сектор ҳудудидаги Совот ҚФЙ ҳамда 4-сектор ҳудудига қарашли Сармич МФЙ жамоалари ўртасида бўлиб ўтди.

Учрашув аввалида туман ҳокими ўринбосари А.Нишонов, ДХХ Зомин туманлараро бўлинмаси маъсул ходими Ҳ.Тоғаев ва масъуллар ёшларга юзланиб, уларга омад тиладилар.

Анчагина қизиқарли ва муросасиз ўтган ўйинда Сармич маҳалласи ёшлари рақиб жамоа устидан ғалабага эришдилар.