Ишчи гуруҳи аъзолари Янгиобод туманида ўрганиш ишларини давом эттирмоқда

Республика идоралараро ишчи гуруҳининг Жиззах вилоятидаги ўрганиш ишлари давомида Ички ишлар вазирлиги Жамоат хавфсизлиги департаменти Ҳуқуқбузарликлар профилактикаси хизмати бошлиғи, полковник Бахтиёр Бердиалиев Янгиобод тумани Янгиобод шаҳарча фуқаролар йиғини ҳудудида қурилиши режалаштирилаётган туман ички ишлар бўлими маъмурий биносининг янги лойиҳаси билан танишди.

Айтиш жоизки, туман ички ишлар бўлимининг янги маъмурий биноси жорий йил якунига қадар қуриб, фойдаланишга топширилиши режалаштирилган.
Шунингдек, ишчи гуруҳ аъзолари туманнинг Хўжамушкент маҳалласида бўлиб, қурилиши режалаштирилаётган ҳуқуқ тартибот масканининг лойиҳаси билан ҳам танишдилар. Жараёнларда мазкур бино қурилиши юзасидан масъулларга тегишли вазифалар юклатилди.