Фермер хўжаликлари раҳбарлари иштирокида тарғибот тадбири бўлиб ўтди

Янгиобод туман ҳокимлиги фаоллар залида бугун - 31 март куни туман ҳокимлиги, адлия бўлими ҳамда Қишлоқ хўжалиги бўлими ҳамкорликда туманда фаолият юритаётган фермер хўжаликлари раҳбарлари иштирокида Янги Ўзбекистоннинг янгиланаётган Конституциясига бағишлаб тарғибот тадбири бўлиб ўтди.

Тадбир давомида Бош қомусимизга киритилаётган ўзгартишларнинг мазмун-моҳияти, соҳага доир муҳим жиҳатлар хусусида маълумотлар берилди.

Aсосий Қонунимиз мамлакатимизда янги ҳаёт, янги жамият барпо этиш йўлида қўлга киритилаётган барча ютуқ ва марраларимизнинг ҳуқуқий пойдевори – келажагимизнинг ишончли кафолати эканлиги таъкидланди.

Ушбу тарғибот тадбирида “Ўзбекистон Республикаси Референдуми тўғрисида”ги Қонуннинг маъзмун моҳияти ва жамиятимиз равнақи учун янги қабул қилинаётган Қонун ва қонуности ҳужжатлари юзасидан ҳам ҳуқуқий тушунтиришлар бериб ўтилди.