Live: Sessiyada yoshlar sohasida olib borilgan ishlar axboroti tinglanmoqda

Xalq deputatlari Yangiobod tuman Kengashining 54 sessiyasi davom etmoqda.

Kun tartibidagi to‘rtinchi masala yuzasidan tuman hokimi o‘rinbosari A.Nishonov yoshlar muammolarini hal etilishiga ko‘maklashish, yosh avlodning iste’dodi va qobiliyatlarini rivojlantirish bo‘yicha qo‘shimcha sharoitlar yaratish borasida amalga oshirilayotgan ishlar to‘g‘risida axborot bermoqda.

Xususan, tumanda umumiy yoshlar soni 13 420 nafarni tashkil etib, 14-30 yoshgacha bo‘lgan 7366 nafar yoshlar mavjud.

Joriy yilning boshidan “Nukus tajribasi” asosida xatlov jarayonlari olib borilgan. Xatlov natijalariga ko‘ra jami tuman bo‘yicha 276 nafar ishsiz, tadbirkorlik faoliyati hamda kasb-hunarga o‘qish istagida bo‘lgan, ijtimoiy muammolari bor yoshlar “Yoshlar daftari”onlayn platformasiga kiritilgan.

2023-yilning o‘tgan 3 oyi davomida “Yoshlar daftari” onlayn platformasiga kiritilgan 84 nafar yoshlarning muammolari ijobiy hal etilgan.