Live: TTB tomonidan aholiga patronaj xizmatini ko‘rsatish bo‘yicha amalga oshirilayotgan ishlar to‘g‘risida axborot bermoqda

Xalq deputatlari Yangiobod tuman Kengashining 54 sessiyasi davom etmoqda.

Sessiya kun tartibidagi navbatdagi masala yuzasidan tuman tibbiyot birlashmasi boshlig‘i A.Kenjayev so'zga chiqib, TTB tomonidan aholiga patronaj xizmatini ko‘rsatish bo‘yicha amalga oshirilayotgan ishlar to‘g‘risida axborot bermoqda.

Ta'kidlandiki, tumanda patronaj xizmatini yangi bosqichga ko‘tarish rejasi ishlab chiqilgan.
Tuman aholisi har 6 oyda xatlovdan o‘tkaziladi. Unda aholi orasida patronaj ko‘magiga ehtiyojmand qatlam aniqlanadi.

Patronaj hamshira, umumiy amaliyot shifokori va tor mutaxassislar ishtirokida aholi xonadonida maqsadli patronaj tadbirlari tashkil etiladi. Unda patronaj parvarishga muhtoj yolg‘iz qariyalar, nogironlar va o‘zgalar parvarishiga muhtoj shaxslar, 1 yoshgacha va nogiron bolalar, homiladorlar, yangi tuqqan onalar patronaj bilan qamrab olinadi.

Maqsadli patronaj har haftada, belgilangan reja asosida tashkil etiladi.