Қонун устуворлиги ва инсон манфаатларини таъминлаш — юрт тараққиёти ва халқ фаровонлигининг гарови

Барчамизга маълумки, мамлакатимизда ҳуқуқий демократик давлат қуриш ҳамда одил фуқаролик жамиятини шакллантириш йўлида кенг кўламда ислоҳотлар амалга оширилмоқда.
Мазкур ислоҳотларинг муҳим йўналишларидан бири фуқароларнинг ҳуқуқ ва қонуний манфаатларини ҳимоя қилиш, уларнинг фаолиятни таъминловчи ҳуқуқий кафолатлар тизимини яратишга қаратилган. Инсон ҳуқуқлари, эркинликлари ва қонуний манфаатларининг ҳар қандай манфаатлардан, ҳатто давлат манфаатидан ҳам устунлигини шакллантирмасдан устувор мақсадларимизни рўёбга чиқариш мумкин эмас.
Суд ҳужжатлари ва бошқа органлар ҳужжатларини ижро этиш тўғрисида қонуннинг мақсади ҳам суд ҳужжатлари, шунингдек қонунда белгиланган ваколатларини амалга ошираётганларида жисмоний ёки юридик шахслар зиммасига пул маблағлари ва бошқа мол-мулкни ўзга шахсларга бериш ёхуд улар фойдасига муайян ҳаракатларни амалга ошириш ёки бундай ҳаракатларни амалга оширишдан ўзини тийиш мажбуриятини юклаш ҳуқуқи берилган бошқа органларнинг (мансабдор шахсларнинг) ҳужжатлари мажбурий ижро этилаётганда юзага келадиган муносабатларни тартибга солади.(Қонуннинг 1-моддаси )
Иши юритишда ундирувчи ва қарздор ижро тарафлар ҳисобланади. .(Қонуннинг 9-моддаси )
Ижро ҳужжати кимнинг фойдасига ёки манфаатларини кўзлаб берилган бўлса, ўша шахс ундирувчи ҳисобланади. Ундирувчи одатда Давлат, юридик шахс ёки жисмоний шахслар бўлиши мумкин.
Мажбурий ижро бюросини ундирувчи туридан қатиий назар Қонунда белгиланган тартибда ижро ҳаракатларини олиб боради.
Жумладан, Бюронинг Янгиобод туман бўлими томонидан фуқароларнинг ундирилиши лозим бўлган пул маблағлари, тикланиши лозим бўлган ҳуқуқлари юзасидан ижро ҳужжатларининг ижросини таъминлаш мақсадида жорий йил бошидан жами 41 та 121 млн. сўмлик ижро хужжатлари амалда тамомланишига эришилди.

Х.Б.Хазраткулов,

Бюронинг Янгиобод туман бу‌лими бошлиги