"Yoshlar oyligi" doirasida turli tadbirlar va sport musobaqalari tashkil etilmoqda

Yangiobod tumanining barcha mahalla va qishloqlarida "Yoshlar oyligi" doirasida turli tadbirlar va sport musobaqalari tashkil etilmoqda.

"Yangi O'zbekiston - yoshlar mamlakati" shiori ostidagi bu galgi festival tumanning Xo'jamushkent qishlog'ida bo'lib o'tdi.

Festival doirasida shaxmat-shashka, kurash, tosh ko'tarish va arqon tortish musobaqalari, "Zakovat" intellektual o'yini hamda tuman madaniyat bo'limi san'atkorlari tomonidan konsert dasturi namoyish etildi.

Tadbirda davomida musobaqalar g'oliblari va faol yoshlar rag'batlantirildi.

Bayram tadbiri gulxan atrofida yoshlarning kuy-qo'shiq va o'yin-kulgulari bilan davom etdi.