Nuroniylar o'rtasida shaxmat musobaqasi o'tkazildi

Xalqimiz orasida yoshi ulug'larni e'zozlash, ularga hurmat-ehtirom va e'tibor ko'rsatish ezgu qadriyatlardan biridir.

Yangiobod tumanida nuroniylarning bo'sh vaqtlarini mazmunli o'tkazish, ijtimoiy faol nuroniylarni qo'llab-quvvatlash va ularni ommaviy tadbirlarga jalb etish maqsadida keksalar o'rtasida shaxmat musobaqasi o'tkazildi.

Yangiobod tumani hokimligi hamda "Nuroniylar" jamg'armasi hamkorligida tashkil etilgan ushbu musobaqa ko'tarinki kayfiyatda qiziqarli bahslarga boy bo'ldi.

Musobaqa so'ngida g'oliblarga tashkilotchilar tomonidan faxriy yorliq va esdalik sovg'alari topshirildi.

Tadbirga tuman hokimi Ibrohim Qarshiboyev, Respublika "Nuroniylar" jamg'armasi mas'ul xodimi Xabibullo Yunusov, jamg'armaning viloyat bo'linmasi rahbari Norqul Nusharovlar ham tashrif buyurib, ular ishtirokida nuroniy otaxonlar va mehnat faxriylari birgalikda samimiy suhbat bilan davom etdi.