Спорт мусобақалари ҳамда сумалак сайллари ташкил этилмоқда

Наврўз байрами арафасида Янгиобод туманида турли тадбирлар, спорт мусобақалари ҳамда сумалак сайллари ташкил этилмоқда.

Хусусан, туман мактабгача таълим бўлимига қарашли 7-сонли давлат мактабгача таълим ташкилотида "Миллий урф-одатларни ўрганамиз" шиори остида Сумалак сайли ўтказилди.

Тадбир давомида болажонларга миллий таомимиз саналган сумалакнинг таърифи ҳамда тайёрлаш жараёнлари тушунтирилди.

Сумалак сайли болажонларнинг дошқозон атрофидаги шўх-шодон ўйин-кулгулари билан янада қизиқарли ўтди.