Hokimlik xodimlari “Siyosiy-maʼrifat soati”da ishtirok etishdi

Bugun Davlat xizmatini rivojlantirish agentligi tomonidan davlat fuqarolik xizmatchilari uchun tashkil etilgan “Siyosiy-maʼrifat soati”da Yangiobod tumani hokimligi xodimlari ham ishtirok etishib, bugungi kunning eng muhim va dolzarb mavzulari toʻgʻrisida zaruriy maʼlumotlarga ega boʻldilar.

Shuningdek, “Siyosiy-maʼrifat soati”da Singapur davlat xizmati boʻyicha Li Kuan Yu nomidagi Davlat siyosati maktabi professori Eduardo K.Araral bilan suhbat, "Oʻzgarish strategiyasi" hamda "Kasbiy mehnat faoliyatida vaqt meʼyorlariga amal qilish" to'g'risida videolavha, "Mutolaa vaqti” rukni, shuningdek, Oʻzbekiston va xorijdagi muhim jarayonlar haqida ham maʼlumotlar berildi.

“Siyosiy-maʼrifat soati” Agentlikning ilm.argos.uz platformasi hamda YouTubedagi rasmiy sahifasi orqali berildi.