“Bir nuroniy o'n yoshga mas'ul” ko'rik-tanlovining tuman bosqichi o'tkazildi

Yangiobod tumanida “Bir nuroniy o'n yoshga mas'ul” loyihasi asosida yoshlarga biriktirilgan nuroniylarni jamiyat hayotiga faol jalb qilish, ularning ijtimoiy faolligini oshirish, yoshlarimiz tarbiyasida keksa avlod vakillarining tajribasidan foydalanish, ajrim yoqasida turgan yosh oilalar o'rtasida barqaror muhitni qaror toptirish borasida amalga oshirilayotgan ishlarni targ'ib qilish va ijrosini ta'minlashda faol ishtirok etayotgan ijtimoiy faol nuroniylar o'rtasida “Bir nuroniy o'n yoshga mas'ul” ko'rik-tanlovining tuman bosqichi o'tkazildi.

Tadbirda tuman hokimi Ibrohim Qarshiboev ishtirok etib, nuroniylarimizning yoshlar tarbiyasidagi katta ahamiyati xususida xususida gapirib, tanlov ishtirokchilariga omad tiladi.

Ishtirokchilar ko'rik-tanlov nizomi talablari asosida 3 ta shart bo'yicha bellashdilar. Yakunda g'oliblar va faol nuroniylar faxriy yorliq, esdalik sovg'alari hamda pul mukofotlari bilan taqdirlandilar.