Tuman hokimi yoshlar muammolarini tingladi

Yangiobod tumani hokimi Ibrohim Qarshiboyev 1-sektor hududidagi ishsiz hamda alohida toifadagi o'ziga biriktirilgan yoshlar bilan uchrashib, ularni qiynayotgan muammolari xususida suhbatlashdi.

Uchrashuv davomida 2 nafar yoshlarni "Balandchaqir tekstil" korxonasiga, 1 nafarini tuman qishloq xo'jaligi tizimiga ishga joylashtirish, yana ikki nafariga ijara asosida yer maydoni rasmiylashtirib berish to'g'risida mas'ullarga topshiriq berildi.

Shuningdek, hududdagi 20 nafar ishsiz yoshlarga ham daromad manbayi yaratish maqsadida 0,5 gektardan 1 gektargacha yer ajratish bo'yicha ko'rsatma berildi.