"Yashil makon" umummilliy loyihasi asosida "Onalar bog'i" tashkil etildi

Yangiobod tumanida faollik bilan davom etayotgan "Yangi Oʻzbekiston – yashil makonda birga yashaylik!" shiori ostidagi kuzgi ko'chat ekish aksiyalari natijasida mahallalarda yangi-yangi bog'lar paydo bo'lmoqda.

"Yashil makon" umummilliy loyihasi asosida amalga oshirilayotgan ushbu ezgu tadbirlarda mahallalardagi xotin-qizlar ham jonbozlik ko'rsatishib, tuman oila va xotin-qizlar bo'limi tashabbusi bilan "Onalar bog'i" tashkil etildi.

Tumanning 1-sektoriga qarashli Yangiobod SHFY hududida barpo etilgan ushbu bog'ga faol xotin-qizlar tomonidan 200 tupdan ortiq bodom ko'chatlari ekilib, parvarish qilinmoqda.