"Ochiq osmon ostida kutubxona" tashkil qilindi.

Yangiobod tuman axborot-kutubxona markazi xodimlari tomonidan tumandagi 1-sonli davlat maktabgacha ta'lim tashkilotida "Ochiq osmon ostida kutubxona" shiori ostida kitoblar koʼrgazmasi tashkil qilindi.

Mazkur ko'rgazmaga tashkilot xodimlari va bolajonlar uchun badiiy hamda eng qiziqarli ertak kitoblar qoʼyildi. Koʻrgazmada ishtirokchilar oʼzlari uchun qiziqarli ertak kitoblar bilan tanishib chiqishdi va fikrlar almashishdi.

Tadbir davomida bolajonlar oʻzlari sevib yod olgan sheʼrlardan namunalar oʻqidilar. Ta'kidlash o'rinliki, bu kabi targʼibot tadbirlari yoshlarni kitobxonlikka qiziqtirish bilan birga, fikrlash doirasini yanada kengaytirishga xizmat qiladi.