Tinchligimiz posbonlari uchun bayram dasturxoni tashkil etildi

Yangiobod tumanida Oʻzbekiston Respublikasi Qurolli Kuchlari tashkil etilganligining 32 yilligi hamda 14-yanvar – Vatan himoyachilari kuni munosabati bilan tumandagi harbiy xizmatchilar, ichki ishlar bo'limi va prokuratura xodimlari uchun bayram dasturxoni tashkil etildi.

Tadbirda tuman hokimi Ibrohim Qarshiboyev tinchlik va osoyishtaligimiz posbonlarini bayram bilan tabriklab, sharafli va mas'uliyatli xizmatlarida omadlar tiladi. Shuningdek, ularning xizmatlari e'tirof etilib, tashakkurnomalar va bayram sovg'alari topshirildi.

Bayram tadbiri tuman madaniyat bo'limi san'atkorlarining kuy-qo'shiqlari bilan ko'tarinki ruhda davom etdi.