Sudyalar ishtirokida ochiq muloqot o'tkazildi

Jizzax viloyat sudi jinoyat ishlari boʻyicha sudlov hayʼatining sudyasi D.Eshmatov va jinoyat ishlari boʻyicha Yangiobod tuman sudining raisi B.Mamadaminov tomonidan Yangiobod tumani Sovot qishloq fuqarolar yigʻinida joylashgan 4-sonli maktab oʻqituvchi va oʻquvchilari bilan ochiq muloqot oʻtkazildi.

Uchrashuvda, ishtirokchilarga Oʻzbekiston Respublikasi Prezidentining 2019-yil 22-apreldagi “Bola huquqlari kafolatlarini yanada kuchaytirishga oid qoʻshimcha chora-tadbirlar toʻgʻrisida”gi Qarorining mazmun-mohiyati tushuntirib o'tildi. Shu bilan birga, yoshlar oʻrtasida jinoyatchilik va huquqbuzarliklarni oldini barvaqt olish yuzasidan fikrlar bildirilib, qizgʻin savol-javoblar boʻldi.

Yoshlar oʻrtasida jinoyatchilik va huquqbuzarliklarning oldini olishga qaratilgan chora-tadbirlarni kuchaytirish maqsadida ilgari sodir etilgan jinoyatlar va huquqbuzarliklarga ham to'xtalib o'tildi.

Shuningdek, oʻqituvchi va oʻquvchilarga farzandining oʻquv muassasasiga muntazam kelishini taʼminlamayotgan ota-onalariga nisbatan maʼmuriy jazo choralari qoʻllanilishi mumkinligi eslatib oʻtildi.