Yangiobodda Kitobxonlik haftaligi” yakunlandi

Xabar berganimizdek, joriy haftada Yangiobod tumanida 2020-2025-yillarda kitobxonlik madaniyatini rivojlantirish va qoʻllab-quvvatlash milliy dasturi asosida IV Respublika “Kitobxonlik haftaligi” boʻlib oʻtdi.

“Kitobsevar millat” shiori ostida boʻlib oʻtgan haftalik doirasida mahallalar va taʼlim muassasalarida turli maʼnaviy-maʼrifiy tadbirlar, ijodkorlar bilan uchrashuvlar va kitobxonlikni targʻib etuvchi koʻrik-tanlovlar tashkil etildi.

Bugun “Kitobxonlik haftaligi”ning yakuniga bagʻishlab oʻtkazilgan uchrashuvda kitobxonlik targʻibotiga bagʻishlangan tadbirlarning yuqori saviyada tashkil etilganligi eʼtirof etilib, ushbu tadbirlarni tashkil etishda yaqindan hamkorlik qilganlar, koʻrik-tanlovlar gʻoliblari hamda faol ishtirokchilar taqdirlandilar.