"Ёш сайловчи-2021" форуми доирасида "Заковат" интеллектуал ўйини ташкил этилди

Янгиободда бўлиб ўтган "Ёш сайловчи-2021" форуми доирасида билимдон ёшлар иштирокида Заковат интеллектуал ўйини ташкил этилди.

Ёшлар ишлари агентлиги туман бўлими ташаббуси остида бўлиб ўтган ўйинда кишини ўйга толдирувчи ва мантиқан фикрлашга ундовчи бири-биридан қизиқарли саволлар ўйналди.

Барча ёшларда катта қизиқиш уйғотган мазкур тадбир - ёшларнинг ижтимоий-сиёсий ва ҳуқуқий билимларини янада мустаҳкамлаш, интеллектуал салоҳиятларини ошириш ҳамда фикрлаш қобилиятларини намоён қилишларига имконият экани билан аҳамиятлидир.