Янгиободда “Қадринг баланд бўлсин, она тилим” шиори остида маънавий-маърифий тадбир бўлиб ўтди

Бугун Янгиободда "Қадринг баланд бўлсин, она тилим" шиори остида маънавий-маърифий тадбир бўлиб ўтди.

Тадбирда шоирлар, тилшунослар, туман маданият бўлими санъаткорлари, ўқитувчи ва ўқувчи ёшлар ҳамда оммавий ахборот воситалари иштирок этишди.

Дастлаб туман ҳокими ўринбосари А.Нишонов тадбирни очиб берди ва йиғилганларни ушбу байрам билан самимий табриклади.

Тадбирда Республика Маънавият ва маърифат маркази туман бўлинмаси раҳбари С. Абдураҳмонова ҳам сўз олиб, Она тилимизни давлат тили сифатидаги ўрни ва аҳамиятини янада  кучайтириш, уни фақатгина расмий тил сифатида эмас, балки, миллий маданиятимиз, маънавиятимиз тимсоли  сифатида янада бойитиш ҳамда софлигини сақлашда барчамиз бирдек масъул эканимизни таъкидлаб ўтди.

Ўқувчи ёшлар, шоирлар ва туман маданият бўлими ижодкорлари томонидан она тилимизни тараннум  этувчи шеърлар ва куй-қўшиқлар тадбирга ўзгача кўтаринки руҳ бағишлади.