Янгиободнинг Жўлангар қишлоғига кириш йўлида янги сел кўприги бунёд этилмоқда
Айни кунларда кўриб гувоҳи бўлаётганимиздек, Янгиобод туманида аҳоли фаровонлигини ошириш ва ҳудудлар қиёфасини яхшилаш борасида кенг кўламдаги бунёдкорлик ишлари олиб борилмоқда. Йўллар ва кўприклар таъмирланиб, аҳоли ва транспорт воситалари ҳаракати учун шароитлар яхшиланмоқда.
Жумладан, Сармич маҳалласидаги Жўлангар қишлоғига кираверишдаги йўл таъмирталаб экани ҳамда бу ерда сел йўли борлиги сабабли транспорт ва пиёдалар учун бирмунча ноқулайликлар келтириб чиқарарди.
Ҳозирги вақтда мазкур йўлда таъмирлаш ишлари олиб борилиб, инвестиция дасури асосида янги сел кўприги бунёд этилмоқа. 371,722 млн сўм маблағ эвазига барпо этилаётган мазкур кўприкнинг ҳозирда қурилиш ишлари ҳажмининг 95 фоизи бажарилиб, бугунги кунда уни сифатли тарзда якунига етказиш йўлидаги ишлар давом этмоқда.
