"Кўпкураш" ҳарбий ватанпарварлик мусобақаларининг 2-сектор босқичи бўлиб ўтди

Янгиобод туманида "Кўпкураш" ҳарбий ватанпарварлик мусобақаларининг 2-сектор босқичи бўлиб ўтди.

Мусобақада 2-сектор ҳудудига қарашли Баландчақир МФЙ ҳамда Хўжамушкент ҚФЙ ёшларидан иборат 4 та жамоалар ўзаро 5 та шарт асосида беллашдилар.

Тадбир аввалида сўз олганлар ёшларни мард, жасур ва ватан тақдирига даҳлдор этиб тарбиялаш ҳамда уларнинг билим ва иқтидорини юзага чиқаришда бу каби тадбирларнинг аҳамияти тўғрисида айтиб ўтди ва иштирокчиларга омад тилади.

Мусобақада жамоалар буюк саркардаларимиз тарихидан савол-жавоблар, "Калашников" автоматини қисмларга ажратиш ва йиғиш, пневматик қуролдан ўқ отиш, "Street Workout" усулларини бажариш ҳамда эстафета югуриш каби шартлар асосида беллашдилар.

Қизғин ва муросасиз кечган баҳсларда спортчи ёшлар ўзларининг бор куч ва маҳоратларини намоён этиб, якунда Баландчақир маҳалласидаги 1-мактабнинг "Жалолиддин Мангуберди" жамоаси ғолиб бўлиб, мусобақанинг туман босқичига йўлланмани қўлга киритдилар.