Янгиободда «Беш ташаббус олимпиадаси»нинг 2-мавсум мусобақалари бошланди

Янгиобод туманидаги истироҳат боғида маҳалла ёшлари ўртасида «Беш ташаббус олимпиадаси»нинг 2-мавсуми доирасидаги оммавий спорт мусобақаларининг тантанали очилиш маросими бўлиб ўтди.

Маросимда Янгиобод тумани ҳокимлиги, туризм ва спорт бўлими, ёшлар ишлари агентлиги туман бўлими, туман халқ таълими бўлими, Болалар-ўсмирлар спорт мактаби вакиллари ҳамда мураббийлар ва маҳалла спортчилари иштирок этдилар.

Тадбирда туман ҳокими ўринбосари Азизбек Нишонов сўз олиб, спортчиларни ўтказиладиган оммавий спорт мусобақалари Низом талаблари билан таништириб ўтиб, барчага омад тилади.

Тадбир давомида ёш спортчиларнинг кўргазмали чиқишлари, Маданият бўлими ижодкорлари томонидан тайёрланган концерт дастури ва Ахборот-кутубхона марказининг китоблар кўргазмалари намойиш этилди.