«1 июнь - Халқаро болаларни ҳимоя қилиш куни»га бағишланган байрам тадбири бўлиб ўтди

Бугун Янгиобод туманидаги истироҳат боғида туман ҳокимлиги, туман маданият бўлими ҳамда 19-сон Болалар мусиқа ва санъат мактаби ҳамкорлигида «1 июнь - Халқаро болаларни ҳимоя қилиш куни» муносабати билан кўнгилочар концерт дастури намойиш этилди.

Тадбир аввалида туман ҳокими ўринбосари Азизбек Нишонов эртамиз эгалари бўлган барчани бугунги байрам билан табриклади.

Тадбирда туман маданият маркази қўғирчоқ театри жамоаси томонидан саҳналаштирган театр томошалари, болалар фольклор жамоасининг миллийликни тараннум этувчи куй- қўшиқлари ижро этилиб, болажонларга олам-олам қувонч бағишлади.