Янгиободда «Энг фаол ташкилот директори» касбий кўрик-танлови ўтказилди.

Янгиобод туман мактабгача таълим бўлимига қарашли давлат мактабгача таълим ташкилот директорлари иштирокида «Энг фаол ташкилот директори» касбий кўрик-танлови ўтказилди.

Танловда директорларнинг фаолияти давомида эришган ютуқлари, мактабгача таълим ташкилоти фаолиятига доир видеороликлар, муассасанинг куз-қиш мавсумига тайёргарлик ҳолати ҳамда ривожлантирувчи марказларнинг жихозланиш ҳолатлари буйича МТТлар директорлари беллашдилар.

Кўрик-танловнинг якуний натижаларига кўра 3-ўринни 1-сонли ДМТТ директори Қосимова Дилноза Мамаражаб қизи, 2-ўринни 7-сонли ДМТТ директори Бегматова Марҳамат Нурмаматовна ҳамда 1-ўрини 3-сонли ДМТТ директори Қунғиратова Сайёра Алламуродовна эгалладилар. Шунингдек, ғолибга танловнинг вилоят босқичига йўлланма берилди.

Якунда ғолиблар ва фаол иштирокчиларга мактабгача таълим бўлими томонидан диплом ва эсдалик совғалари топширилди.