Туман ҳокими энг олис ҳудудлардаги оилалар ҳолидан хабар олди

Янгиобод тумани ҳокими Иброҳим Қаршибоев бошчилигида туманнинг барча маҳаллалари ҳамда ижтимоий соҳа обеъктларида ҳаво ҳароратининг кескин пасайиши сабабли юзага келаётган муаммоларни бартараф этиш мақсадида ўрганишлар олиб борилмоқда.

Бугун туман ҳокими ҳамда сектор раҳбарлари туманниг энг олис ва чегараолди ҳудуди ҳисобланган Сармич маҳалласининг "Олмачи" қишлоғида бўлишиб, Давлатимиз раҳбари томонидан аҳолини қийнаб келаётган муаммоларни ўрганиш ва бартараф этиш бўйича берилган вазифалар ижроси юзасидан аҳоли хонадонларини кўздан кечирдилар.

Ўрганишлар давомида уйма-уй юрган ҳолда аҳоли билан суҳбатлашилиб, мавжуд муаммоларни ҳал этиш чоралари белгилаб олинди.