"Уч авлод учрашуви" ташкил этилди

Ёши улуғларни ҳурмат қилиш, уларни эъзозлаш ва қадрига етиш - ҳар биримиз учун энг муҳим қадриятлардан бири ҳисобланади.

Бугун "Ёшлар ойлиги" доирасида Янгиобод туман Касб-ҳунар мактаби ҳамда Нуронийлар жамоатчилик кенгаши ҳамкорлигида "Уч авлод учрашуви" ташкил этилди.

Тадбирда турли соҳаларда самарали фаолият юритган меҳнат фахрийлари, ижодкорлар, нафақадаги устозлар, катта ва ўрта авлод вакиллари ўз ҳаётий тажрибалари, босиб ўтган ибратли умр йўллари ҳақида ўқувчиларга ҳикоя қилишди. Бугунги кунда юртимизда ёшларга яратиб берилаётган имкониятлар ҳусусидаги мулоҳазаларини билдиришди.